None Of These(lengzem feb,2017)

NONE OF THESE

Ka thawnthu ziah tum ka hrilh a. “ A ngai lo! Ti reng reng suh! I ngam chuan han ti vaih the!” tiin min khap a. Ziah tan tuma computer ka thutchilh pawhin min off-sak hmak zel, lo rawn lek loh tur hi a nia. Mahse, a hriat loh lai chuhin ka ziak ta zel tho a. Tha ve tawk ni a ka hriat hnuah ka print ta a. Printer atanga a lo chhuah lai chuan min lo ban khalh a, “ Luhlul hi chu i luhlul ve mawle!” tih pahin khumah a țhutpui a, a chhiar ta a. Ka thutthleng her meuhin . a changtunuin a ma channa thawnthu a chhiar lai chu uluk takin ka lo en a. A ngaihdan hre châkin ka za zek zek a.

.

A chhiar lai chuan a khi leh sak thin a, reiloteah a chhiar zo thuai a, en pawh min en lem lovin, “ A țhat ve mai mai hi. Kan classmate hluite khan chhiar ve se an hlimpui ngawt ang” a ti a.

Kei chuan, “ Chu tiang atan ka ti hleinem, chauh chang ni kan neih apianga kan chhiar dun tur leh kan hlimpui atana ka ziah a nih hi.” Ka lo ti a.

Kum tam tak kal taa lehkhathawn ka pek nia a hmel duhawm tak ang tho kha pu chungin, a thawnthu chu khumah dahin, ka mal chungah a rawn thu a. Ka dar ding lam atanga min kuahin veil amah a suih a, hmai si lek leka min en chungin, “ chauh chang ni kan nei dawn hleinem, kan hlim reng dawn a lawm, ni l’m ni?” a ti a.

“ Nia, I birthday leh valentines day vela thilpek pek che ka theihnghilh leh huna I titau thlem nan tal a tangkai ang chu!”

“ I zak lo! Ka titau ngai lo, nangmah a nih kha, hmanni pawh kha.. !”

 Kan pahnih chauhin awm mah ila, a sawi chhuak ang tih ka hlau lutuk a, a ka ka hup sak hmak a!

Nitin hian vannei ka intihna a zual zel a, ka lungawina a belhchhah fo thin. He thawnthu pawh hi ka vanneihna lo intan dan, kum sarih kal taa kan nun, kan inkarra engmah a awm loh lai leh, eng emaw a lo awm tan dan, ka thai chhuah satliah ve mai a ni e.

Eheu.. Eheu!

Kum khat zet zawt pawl khata kana wm tlan hnuah kan inhmelhriat chho ve ta kha a ni a – ti ila, kum hmasa-ah pawh class khata thu, zirlai thuhmun zir ve ta chu inhre lo tihtur kan ni hauh lo. Mqhse, zirlai tam tak zingah inkawm bik leh innel bik kha kana wm thin a, kriin ka kawm bik deuhte chu a tha lo zawnga hriat hlawh deuhte kha an ni tlangpui thin. Ani chu chutiang mi a nih loh avangin, kan inbe ngai lova, biak ka tum ngai lova, biak pawh ka chak lem lo. Khawlaiah pawh inhmu ila, innuih liam satliah tur vel chauh kan ni.

Pawl sawm pahnih kan nih kum tirah, kan inbiak hmasak ber ni a lo thleng ta. Tan dar rik hma minit 10 velah class room-ah ka lut a. Dawhkana ka tiffin box chu a lo inhawng a, ka’n en chian chuan a lo ruak vek a.

KA hmuh rualin Abeki leh a thiante chuan min rawn hnaih a. Inthlahrung tak tlangnel ru tak siin, “ Hmun kan phiah pahin dawhkan kan chawi sawn a, I tiffin box kha kan titla a… a baw vek sia, tihpalh lutuk aw,” Abeki chuan a ti a. Kei chuan, “ A ni maw, riltama min thihtir chu in tum lo vang maw?” ka tifiam a.

An tum loh thu min hrilh pawhin, ‘thupha chawi nan’ Chocolate bar pang alai min pe ta mai a. Ka zak leg si a, hnar tum mah ila min pe luit tlat si a, ka la ta a. A lo hmutu thiante chuan, “ Eheu.. EHheu!” an lo ti dar dar a.

Zirlai pahnih

Abeki chu lian lem lo, a tawk leka lian, a tawk leka te hi a ni a. A ngo veng reuh a, a duhawm tawk lekin a thau a, a hmai bial kiau leh a tarmit frame var chu ber nih tir tu a ni. Hre ngai lo tan chuan a aw tham tiak thawp sat chu a mak hle ang. Mahse, a tam zawkin Abeki kan hriat dan chu “ … Aw nalh danglam deuh!” tih a ni. A nungchang a mawi a, a chetzia, atawngkam leh land an engkim avang chuan kan class chuan kan duat rawn ni berin ka hria.

Khami ni, ka pawi khawih nia a inhriat ni atang khan chhuanlam ho te te hmangin kan inbe ve ta f ova. Kan class-ah mathematics thiam pawl ka nih avangin a thiam lohte min zawt thin a. Ka hrilh thiam bak chu zirtirtute a zawh zel tak avangin tlawmah ka la a, hrilh theih vek tumin maths zir tam phah nan ka hmang ta zawk a.

Chumi kum chuan zirtirtu kan neih that loh avangin, zirtoirtute chuan class vanduai ber min ti thin a, nilaini period thumna apiangah liabrary-ah mahni inchhiar chawpin lehkha kan chhiar thin. Lehkhabu chhah pui pui kan inchhawp a, ‘ ngawih țhiap tur’ ti mahse, khaptu kan neih loh avangin kan titi luih luih thin. Biology aia mizo subject thlang zawktute phei chu classroom indaihlohna avangin, midangin biology an zirlai chuan pawnah kan chhuak thin.

Mahse, Class vannei ber ni tlatin ka inhria. Mak tak main ka thian harh satliah hote chu ka hlat tial tial a, class pawna hunawl remchang kan neih apiang in, library class-ah te chuan Abeki nen kan inhnaih viau zel ta mai a ni.

Hostela awm a nih avangin sikul chauh chu Abeki nen kan inhmuh theihna hun a ni a. Period awlah sikul halla dawhkan pakhat kan kil dun a, lehkhabu phawrhin kan zir dun thin. Ani’n maths min zawt a, keiin chemistry- ka thiam loh vanga zawt pawh ka ni lo.

A chang chuan, zunin chhaka thingsemim kung bula nghenchhan nei thutthleng an hunah chuan kan thu dun thin a. Min lo thut khalh an awm chuan kan let leh nal nal thin. Tah kher lo kha chuan kan dik lo tlat! Abeki roommate Zualtei kan bulah a awm ve zeuh zeuh thin a, Zualtei hi a changing a hnawk a, a changing a tawngkai!

Abeki hi ngeiawm hial khawpa inngaitlawm leh thuhnuairawlh a ni a. Exam leh test apiangin fail a inrin thu a sawi a, a tithe ber a lo nil eh ziah a. Selction test kan neih dawnag maths-a fail a inrin thu a sawi leh a; keiin chemistry ka thiam loh thu ka sawi ve bawk a. A fail ka ring lova, ka thiam loh a ring bik lova, rei fe kan inhnial hnuah, hetiang hian, ziak meuhin thutiam kan siam ta a.

Maths-ah ka pass chuan, kei Abeki hian Maruata practical ziah ai zawng zawng ka ziah sak ang I tiin a ziak a.  A hnuaiah, Chemistry-a ka pass chuan kei, Maruata hian Abeki hi pickle bur hnih ka leisak ang-tiin ka ziak vet hung a. Chumi hnuaiah chuan kan hming kan ziak v eve a. hriatpuituah Zualtei’n hming a ziak bawk a. 

Theipalingkawh

Sikul hall hnunga Theipalingkawh chu, a rah hun lai chuan, a hmin hma atangin kan lo sup sup thin a. Abeki nen chuan kan uar fal bik a. A rah vanglai chuan maths chawhpuiah ni lovin, Theipalingkawh lawh puiah min sawm thin a.

Midangin a zar hnuai lam an lawh kawlh hnuah leh an tinsan hnuah pawh kei chu hall chunga thing dawh chhovin ka lawn a, Abeki nen chuan kan tlan thin. Hnuai lam tangin  a duh duh a kawk kual a, ka lawh sak thin.

Ban phak loh ka neihte hian, “ I va’n pa lo tak! I tum tak tak lo a nih kha! Khawi… Keiman!” a han tifiam a, kan nui dun nasa thei hle a. Chu thingkung bulah chuan kan thian ten min hmu dun zing ta deuh a, ‘ Maruata leh Abeki thei thuhruk’ an ti fiam ta hial a.

Abeki chu ka bel chiang tial tial a, nungchang danglam tak nei a nih zia ka hriat belh zel a. Theirah lawh harsa deuh hlek lo tur ringawt pawhin theihtawp min chhuahtir duh duh a. Problem chawh dik theih loh pawh hi a awm tinuam lotu a tling thin. Physics deriavation leh Chemistry formula te hi keini chuan a awmzia hre lovin kan vawng mai thin a, ani chuan a awmzia hriat kher a tum thin. A hriatthiam theih loh chuan tah mai pawh a hnial lo. Tum khat pawh, HSSLC exam laiin mittui tla khawpa a tang ka hmu a ni.

Physic theory kan tih hmain practical kan exam a, lab-ah chuan, pahnih zela inkawpa hmuhchhuah tur zawhna min pe a. Abeki nen chuan kan inkawp fuh leh ta hlauh mai. Apparatus chu kan hmang thiam ve chiang a, ammeter leh voltmeter pawh a thar a nia. Observation kan han la a, a chhuak tur 0.25 a chhuak tlat lo mai a. Rei ngial kan beih hnuah kan hlawhchham zel a, kan vawn sa ziah chhuah kan tumin kan hrechhuak seng tawh si lo. Khami ni khan mittui tla khawpin a tang a ni. Ka ngaisangin ka chhuang rilru hle a.

 “…in ni; kan ni lo..!”

Abeki nen chuan ian inhnaih tial tial a. Inthiamsiak chu kan game a ni. Chuvangin Abeki nen chuan inhnaih lo uh angiu

Chu chuan kan nunphung a thlak a. Ka thianten, “Abeki vcang hian I cool lutuk tawh!” min ti a. A thianten, “Maruata vang hian I harh lutuk tawh!” an ti vce thung a. Kan pahnih inkara inngaihzawnna thu kan sawi hmain thianten min ‘..ahem!’ tan a. Thenkhat phei chuan “..in nu..” an tit a hial a. “ kan ni lo.!” Ti mah ila, “..in ni!’ an tit lat ta mai le. Kan ni a niang!

Kan pahniha kana wm apiangin kan thiante chu an kal sawn diak zel a. Mak deuh hian kan lo awm dun leh thin bawk si a. Abeki pawh chu kei ang bawkin an chhaih ve ngei wm si a. Engtin nge a lo chhan let ang tihte ka ngaituah thin. A tawng tlemin a tawng muang si a, a zakzum bawk si..a insawi fel thei dawn si lo…Kan ni emaw a ti vet ho ang!

A rukin

“Abeki star..”min tih tantirh chuan ka hrilhaiin ka zak hle a. Mahse an tih tak fo hnuah chuan ka nihnaah ka pawm ta deuh a. Abeki ka hmuh dan a dang lehzual ta a. A hma kha chuan, thian duhawm deuh, kawm nuam leh chhaih nuam deuh angin k hmu satliah a. Tunah chuan, a hmel te, a aw te a nungchangte chu ka en dan a dang a. K ta a nih tul hian kanhre tan tat lat mai a. Abeki bulah chuan ka lai thar leh ta! Inthup hi ka tum a, ka thup chu eng chiah nge ka hre si lo.

Maths kan chawh change Zualtei lo awm vete chu hnawk ka ti tan a. Thianten blackboard ah ‘Maruata & Abeki’ tih an lo ziah fiamte chu ka haw phal lo, hmanhmawh deuh anga lang chungin ui ru deuhin ka nawt reh thin!

Ka sam style ka inhmeh leh hmeh loha buai ngai miah lo kha ka buai tan a, ka rim tui loh te hi ka hlau thar riau a. Abeki theihnghilh tum chu mahni hming theinghilh tum ang maia thil theih loh tawp a ni tih ka hrechhuak ta.

Abeki chu mipa dangin an lo biak hian ka ui tlat! Inrinni leh chawlhni hi inhmuhlohni a nih avangin ka haw em em bawk!

Chuti khawp chuan keima lamah danglam awm mahse Abeki lamah chuan danglam engmah awmin ka hre si lo, ka zawt ngam bawk si lo! Mahse, kwi chu ka pangngai thei tawh si lo!

Ka hrilh dawn!

A hma kha chuan Abeki bulah chuan ka duh duh ka sawi a, fiamthu ho leh zahmawh thleng pawhin ka sawi khum a. Theipalingkawh lawksaka, maths leh chemistry zirpui paha aim in life sawi puite kha a nuam ka ti a. Tunah chuan ‘ dawp chhuah tulin ka hr eta tlat!

Mahse, ka ngam si lo. Chutiang chuan, laklawh deuhin thla thum chuang ka awm hnuah, ni khat chu, titi pahin ngaihzawng kan sawi chhuak a. Awlsa, deuh hian, “ Abeki, ngaihzawng I nei tawh ngai em?” ka ti thut  a. Rang zetin, “ nei tawh e! Kg kan kal lai velin..!” a ti a, kan nui ham ham a.

“ Fiamthu lovin mawle..?” Hriat ka duh tlat a ni.

“ Ngaihzawng tak tak.. chu ka la nei chiah lo.. Min hmuhsit vaih. Mahse, duh deuhte chu kan nei ve ang chu..” a ruka duh deuhte a lo nei ve a nih chu.

Rang takin, “ Tu nge..? a ruka I duh chu?” ka ti vat a.

“ A hming tawpah chuan ‘A’ a awm a..” fiamthu leh ta!

“ Mipa chu a ni ve ngei maw?!” ka lo ti a.

Zualtei’n nui chungin, “ .. ‘A’ dawtah ‘T’ pawh a awm kha…!” a lo ti zawm a.

“ Sawi chiang the u…” KA thin a phu dut dut a

Abeki chuan a thil ziah lai pawh chawl chuang lovin, “ ..an kohnaah chuan, a bulah ‘M’ a awm..” tiin awlsam zetin a sawi zel a, “.. chuan .. a laihawl velah ‘U’ a awm bawk,’ a ti leh a.

Zualtei chuan phru zetin, “ Nia, ‘A’ pawh pathum vel chu a awm” a lo ti ve leh a. An pahnih chuan zak hmel deuhin a nui sen sen a.

Tu nge chu chu? A hawrawp mal te tea an sawi chu ka lo rem khawm a… ‘M R T’ bakah ‘A’ pathum.. M A R U A T A! E he! keimah ka nih chiah chu! Abeki chuan min lo duh ru ve reng tih ka hmuchhuak ta.

Ka hrilh ta..

Keia zakzum leh tawngkam thiam lo zawk chuan  ka hming hawrawp zawng zawng hmangin min ngaizawng tih min hrilh rual khan, “ keipawh, Abeki a nia” lo tih ve nghal tur kha ka ti lo laklawh tawh si. Han tih let vena remchang ka siam thiam tawh si lo. Hrilh duh si, Hrilh dan tur hre si lovin kar khat vel zet ka’n awm leh a.

Exam a hnai tual tual a, ka subject neih belh chuan ka rilru a luah nasa tual tual a. Chutiang thil lo buaipui chu inthiam thei lo mah ila, ka duhn a chuan – ni lo – ka hmangaihna  chuan a mawrin min nawr tawh si.e si lo.

Mahse, ka sawi thiam si lo. “ Ka ziak mai ang’ ka ti a. Changkang taka zawhna siam a, ziak ngeia chhantir ka duh a. Kar khat chhung uluk taka ka ziah chu ka ipteah ka ak a. Hall dawhkanah maths kan chawk dun leh ta hlauh mai le.

A maths chawk lai chu ka va melh leh zeuh thin a, ni dang zawng aiin a hmel chu a tha zual sauhin ka hria a, ka lehkha pek tum chu ka hum thlam dup tawh mai a. Ka kut khur ru der der reng bawk a. Huaisen lohna chhan tur ka neih ka hriat tawh loh avangin ka intithuai lui a, a lehkha en lai chungah chuan ka va dah zeuh a. Lehkha chu a la a, chhiar nghal tumin a pharh dawn a.

“ Chhiar rih suh! Nakinah, Hostel-ah..!”

A en vang vang a, “ Eng lam pang ngeni ang le ?” a ti vang vang a.

“ Suggestion! Exam zawhna .. pawimawh lutuk!”

“ Engtin nge I hriat?”

“ Inlarna ka hmu a lawm!”

MAk ti hmel deuhin min en a. “ Awihawm loh the em mai!” Tunah ka’n en nghal teh ang,” tih pahin pharh a tum leh a. A chhiar laia awm ka huphurhzia a hre si lo.

“ A tul lo” ti chungin ka lehkha pek chu chhuhsak ka tum leh si. Kan inchuh leh rih!

Ani’n a phal tawh si lo. Ka chuh lui ta vak lova, ka ban phak loh tawk vela tawlh hlain a inher a, a chhiar ta a. Lehlam la hawi reng chungin, “ Exam zawhna ka hriat tawhah chuan a la… mak be rang” a ti deuh sap a.

Abek, ka thinlung zawng zawngin ka hmangaih che, I tan eng nge ka nih ve le?

A) Friend

B) Classmate

C) None Of  these

Ka sawi tur ka sawi zo tawh miau a. Ka ngawi hmak a. A chhiar zawh veleh a rawn inher a, nui deuh seih chung hian, “ ka chhang nghal dawn ‘mi?”

“ Aw” ka ti thei tawk a ni! 

“ Lehlam hawi rawh!”

Khawvel a reh vung vung a.

“ Kha.”

A chhang zova, lehkkha chu min pe a, en chian pawh ngai lovin a chhanna chu ka hmu nghal a. C) None Of These zawnah chuan fiah takin a thai a.

Zawhna siamtu chuan tih dik loh lianpui ka nei tih ka hrechhuak. A tlai tawh si. Zak leh hrilhhai takin Abeki chhanna chu ka melh tar eng mai. Chutia melh ngai melha ka thut reng lai chuan min rawn nghawk zauh a.

“ Mark engzat nge ka hmuh?”

“ Mark bial!”

“ A fair,  a chhanna dik I dah tel hleinem!”

Ni chiah! KA thiam loh a ni. Mahse a tlai zo tawh si, ka ngawi reng ringawt a.

“ . . ka lo chhang tha leh thei ang em?”

Phur takin lehkha chu ka pe a, lehlam hawi tura min tih tawh loh avangin a ziak lai chu ka en reng a. None of these  chu thai chhiain a aiah Sweetheart  tih hi uluk takin a ziak niap nipa , a tick  zauh a, a lo hawi chhuak a, zah vangin a hmai chu a sen deuh tan a; chutiang chuan hmeichhia hi an hmel a tha thei ang tih ka lo ring ngai lo.

Min rawn ngheng a, lehkha chu min pe zauh a, ka beng bulah..

“ Ti khan mark engzat nge ka hmuh?”

“ Full Mark!”